Aðalfundur Hvítabandsins haldinn 4. mars 2026 harmar þau óvönduðu vinnubrögð sem fram koma frá formanni Bandalags kvenna í Reykjavík (BKR) að víkja Hvítabandinu sem var eitt af stofnfélögum BKR, úr Bandalagi kvenna í Reykjavík.  Það er engin heimild fyrir þessum gjörningi í lögum BKR.

Hvítabandið hefur starfað í rúm 130 ár, hefur einkunnarorðin – Fyrir Guð, heimilið og þjóðina og vinnur af heilindum samkvæmt þeim orðum.  Hvítabandið hefur ekki á neinn hátt unnið gegn BKR og þar sem félagafrelsi er í landinu er þetta með slíkum eindæmum óvönduð vinnubrögð af hálfu stjórnar BKR.

Aðalfundurinn samþykkti að aðhafast ekkert að svo stöddu en skorar á formenn aðildarfélaga BKR að fordæma þessi vinnubrögð.

Formaður Hvítabandsins, Sigríður Unnur Sigurðardóttir