1 gr.
Félagið heitir Hvítabandið.
Félagið var stofnað 17. Apríl 1895.
Kjörorð Hvítabandsins: Fyrir Guð – Heimilið – Þjóðina

2 gr.
Félagið er líknarfélag. Stefnuskrá þess eru líknarmál og skulu þau jafnan vera aðalmál félagsins. Einnig vinni það að bindindis -, mannúðar- og menningarmálum.

3 gr.
Félagi getur hver sá orðið sem er fullra 18 ára, vill starfa eftir stefnuskrá félagsins og hlýta lögum þess. Sérhver nýr félagi riti nafn sitt í rithandarsafn félagsins við inngöngu.

4 gr.
Úrsagnir úr félaginu skulu vera skriflegar eða símleiðis til stjórnar.

5 gr.
Stjórnin skal skipuð 3 félögum: formanni, ritara og gjaldkera. Kjósa skal formann sérstaklega og eru allir stjórnarmenn kosnir til þriggja ára í senn. Hægt er að kjósa stjórnarmenn í tvö tímabil. Aðalfundur kýs tvo skoðunarmenn

6 gr.
Formaður kallar saman félags-og stjórnarfundi, hann stýrir eða skipar fundarstjóra í sinn stað ef þörf krefur. Í forföllum formanns leysa aðrar stjórnarkonur formann af.
Ritari heldur gjörðabók félagsins á stjórnar-og félagsfundum og færir þær í greinilegt ágrip af því sem þar gerist. Einnig annast hann bréfaskriftir ásamt formanni.
Gjaldkeri varðveitir sjóði félagsins og sér um að ávaxta þá á sem hagkvæmastan hátt. Hann innheimtir árgjöld og greiðir reikninga eftir að formaður hefur áritað þá.
Gjaldkeri leggur fram ársreikninga fyrir aðalfund ár hvert.

7 gr.
Fundir skulu haldnir einu sinni í mánuði á tímabilinu 1. október til 31. maí ekki færri en 5, eða oftar ef þörf krefur.

8 gr.
Aðalfundur skal haldinn fyrir 1. apríl ár hvert. Þessi eru viðfangsefni aðalfundar.

1. Skýrsla stjórnar
2. Gjaldkeri leggur fram skoðaða reikninga til
   samþykktar
3. Stjórnarkjör og kosning tveggja skoðunarmanna
4. Nefndarkosning
5. Lagabreytingar
6. Önnur mál
   Boða skal til aðalfundar með minnst 10 daga
   fyrirvara.

9. gr
Árgjald er ákveðið á aðalfundi.

10 gr.
Lögum þessum verður eingöngu breytt á aðalfundi. Skal breytingartillögum skilað til formanns félagsins eigi síðar en 10 dögum fyrir aðalfund.
Breytingartillaga er samþykkt með minnst 2/3 greiddra atkvæða.

Samþykkt á aðalfundi 05.03.2025