Header

Kæru Hvítabandskonur

Stjórninni hefur dottið í hug sú nýbreytni að halda einn fund á vetri á kaffihúsi.

Hotel Natura (Hótel Loftleiðir) býður okkur velkomnar í síðdegiskaffi næstkomandi miðvikudag 5. febrúar kl. 16, og við gerum ráð fyrir að njóta samverunnar til kl. 17:30.

Á boðstólum verður kaffi með snittum og kökum á 1.750 krónur.

Hvítabandinu bárust fyrir jólin góðar kveðjur úr ýmsum áttum og þær verða lesnar upp á fundinum. Annars sitjum við og spjöllum og njótum veitinga í þægilegu umhverfi.

Hotel Natura þarf að vita hve mörgum má gera ráð fyrir og því þarf að tilkynna sig helst fyrir 3. febrúar í síma 565 8774 eða 824 6129 (Dagmar formaður) eða á hvitabandid(hja)hvitabandid.is

Við vonum að þessi nýbreytni mælist vel fyrir og að félagskonur fjölmenni og taki með sér aðrar konur.

Stjórnin

Gleðileg jól

December 23rd, 2013 | Posted by admin in Uncategorized - (0 Comments)

Óskum Hvítabandsfélögum og landsmönnum öllum gleðilegra jóla og farsældar á komandi ár.
Þökkum samveru og samstarf á árinu sem er að líða.

Stjórn Hvítabandsins

Jólafundur Hvítabandsins að Hallveigarstöðum

miðvikudaginn 4. desember kl. 19:30

Kæru Hvítabandskonur

Nú fer að líða að jólafundinum okkar. Á boðstólum verður jólamatur; hangikjöt með góðu meðlæti og öli, á eftir er glæsilegur eftirréttur og kaffi.

Á skemmtidagskrá er söngatriði og Eygló Harðardóttir félags- og húsnæðismálaráðherra mun ávarpa samkomuna ásamt fleiri gestum.

Styrkir verða veittir og félagskonur sem átt hafa stórafmæli á árinu heiðraðar.

Á jólafundinum verður að vanda safnað í sjóð til jólagjafakaupa fyrir börn kvenna sem dvelja á Dyngjunni um jólin og vonumst við eftir góðri þátttöku.

Mætum vel í jólastemninguna á Kvennaheimilinu Hallveigarstöðum og tökum með okkur gesti.

Stjórnin

Hvítabandið heldur félagsfund 6. nóvember, klukkan 19:30 að Hallveigarstöðum.

Dagskrá:

1. Formaður setur fund
2. Hervör Jónasdóttir flytur hugvekju
3. Lesin fundargerð síðasta félagsfundar
4. Formaður segir frá starfinu og ferð sinni til Noregs á fund systrasamtaka Hvítabandsins.
5. Kynning á jólaföndrinu 11. nóvember klukkan 17-19 á Hallveigarstöðum.
6. Kaffihlé. Í kaffinefnd kvöldsins eru þær María Eggertsdóttir, Lotte Gestsson og Kristrún Ólafsdóttir.
7. Sigríður Dúna Kristmundsdóttir prófessor er gestur fundarins. Hún ætlar að ræða um Ólafíu Jóhannsdóttur. Um hana ritaði hún bókina Kona kvennanna, frumkvöðullinn Ólafía Jóhannsdóttir.

Hvítabandskonur, fjölmennum á þennan fund og tökum með okkur gesti.

Stjórnin

Vetrarstarfið að hefjast

September 28th, 2013 | Posted by admin in Uncategorized - (0 Comments)

                                                                                                                                 

Fyrsti fundur vetrarins verður haldinn mánudaginn 7. október 2013       kl. 19:30 og er okkur boðið í heimsókn til Kvenfélags Árbæjarsóknar.  Fundurinn verður haldinn í Safnaðarheimili Árbæjarkirkju, Rofabæ en það er fyrir neðan kirkjuna og gengið niður með henni.          – Athugið breyttan fundartíma.  –

Vinsamlega tilkynnið þátttöku á netfangið hvitabandid (hjá) hvitabandid.is eða hafið samband við Dagmar Sigurðardóttur s. 824 6129 eða Helgu Ólafsdóttur s. 552 9447 í síðasta lagi fimmtudaginn 3. október.

Aðrir fundir fram að áramótum eru haldnir að Hallveigarstöðum kl. 19:30 og eru þessir:

Miðvikudaginn 6. nóvember

Kaffinefnd skipa: María Eggertsdóttir, Lotte Gestsson og   Kristrún Ólafsdóttir

Miðvikudaginn 4. desember – jólafundur

Kaffinefnd skipa: Elín Snorradóttir, Ragnhildur Einarsdóttir, Svanhildur Eyjólfsdóttir og Sigríður Sigurðardóttir

Áætlað er síðan að hafa jólaföndur í nóvember og verður nánar sagt frá því á fundi félagsins.

Vonum að við sjáum sem flesta á fundum félagsins og eru gestir og nýir félagar velkomnir.

Stjórnin.

Maífundur og vorferð

May 1st, 2013 | Posted by admin in Uncategorized - (0 Comments)

Maífundur  Hvítabandsins verður haldinn hjá Dyngjunni að Snekkjuvogi 21, Rvík.  miðvikudaginn  8. maí  2013  kl.16:00. ATH breyttan tíma.

Skráning á fundinn er á hvitabandid@hvitabandid.is  eða hafa samband við formann Dagmar Sigurðardóttur í síma 8246129 í síðasta lagi nk. mánudagskvöld.  Þegar er kominn nokkur fjöldi en þessi fundur er eingöngu fyrir félagsmenn.

                                 Vorferð Hvítabandsins 29. maí 2013 

Kópavogur verður heimsóttur og er mæting miðvikudaginn 29. maí n.k. kl. 16:30 við Tónlistarsafn Íslands í Kópavogi  þar tekur á móti okkur Bjarki Sveinbjörnsson forstöðumaður.  Frá Tólistarsafninu verður gengið yfir á Nátturufræðistofu Kópavogs þar tekur á móti okkur Haraldur Rafn Ingvarsson verkefnastjóri og þaðan göngum við eða ökum yfir brúnna að veitingahúsinu Retro eigum þar góða stund saman, snæðum kjúklingasúpu, brauð og kaffi, herlegheitin kosta 2.100- krónur.

Tónlistasafnið Háubraut 2  er beint á móti Náttúrufræðistofu, Hamraborg 6a.  Retro, Hamraborg  3  

Skráning í vorferðina er á maífundinum en einnig  hjá Þorbjörgu Guðmundsdóttur, Netfang thg@xco.is, sími 557 4777

 

Það vantar konur til starfa í Mæðrastyrksnefnd og í verslunina í Furugerði 1 og eru konur sem hafa tök á að taka þátt í þessum verkefnum beðnar að hafa samband við Dagmar s. 8246129 til að fá nánari upplýsingar. 

Minnum einnig  á félagsgjaldið kr. 2.000.- hægt er að leggja það inn á reikning félagsins:  kt. 650169-6119, banki  0137-15-370303

 

Glæsilegur afmælisfundur

April 9th, 2013 | Posted by admin in Uncategorized - (0 Comments)

Afmælisfundur félagsins var glæsilegur að vanda og fengum við marga góða gesti til okkar.  Konur úr Kvenfélagi Árbæjarsóknar, formaður BKR, ásamt félagskonum og öðrum góðum gestum áttu góða stund saman.  Konur úr kór Laugarneskirkju sungu, tískusýning frá versluninni Möst C og kaffiborðið svignaði undan kræsingum.

Myndirnar eru frá þessum glæsilega fundi

Fréttir frá BKR

April 7th, 2013 | Posted by admin in Uncategorized - (0 Comments)

Í frétabréfi frá BKR sem formönnum aðildarfélaganna var sent var beðið um að koma eftirfarandi á framfæri:

“Verið er að vinna að því að setja upp heimasíðu fyrir Bandalag kvenna í Reykjavík sem er hluti af því að efla kynningarstarfsemi BKR. Þar verða upplýsingar um hlutverk og markmið BKR, sögu þess, starfsmenntasjóðog önnur verkefni, og settar inn upplýsingar um aðildarfélögin. Að auki verður þar kynningarátak undir heitinu “Af hverju kvenfélag” og er undir þeim lið sérstaklega óskað eftir reynslusögum frá ykkur kvenfélagskonum um reynslu ykkar af þátttöku innan kvenfélaganna. T.d. hvernig hefur starfi ykkar innan kvenfélaganna verið háttað, hvað hefur það gefið ykkur að taka þátt í starfseminni, áhugaverð verkefni, og hvað annað sem ykkur dettur í hug. Ætlunin er að birta reynslusögurnar á heimasíðunni undir nafni og skemmtilegt væri að fá sendar myndir af höfundum efnisins sem og úr félagsstarfinu :) Gott væri að fá sögur frá ykkur við fyrsta tækifæri - Vinsamlegast sendið efnið á netfangið: imbarafnar(hjá)gmail.com “

Gestafundur 3. apríl kl. 19:30

March 26th, 2013 | Posted by admin in Uncategorized - (0 Comments)


Afmælis- og gestafundur Hvítabandsins verður haldinn að Hallveigastöðum
miðvikudaginn  3. apríl  2013  kl.19:30.  

Kvenfélag Árbæjarsóknar munu heimsækja okkur og einnig  nýkjörinn formaður BKR.   Við vonum að sem flestar geti mætt  og biðjum við ykkur félaganna að vera duglegar að bjóða gestum með ykkur til að kynnast félaginu og eiga góða stund saman.   Við hefjum fundinn á hefðbundnum störfum en eftir kaffihlé þar sem félagskonur munu reiða fram dýrindis veitingar verður dagskráin með léttu og skemmtilegu ívafi.

Það verður tískusýning með öllu því nýjasta í vortískunni  frá Versluninni Möst í Skeifunni.  Gestir koma og taka lagið fyrir okkur.  

Minnum á félagsgjaldið kr. 2.000.- hægt er að leggja það inn á reikning félagsins:

kt. 650169-6119, banki  0137-15-370303  

Hlökkum til að sjá ykkur sem flesta og munið að taka með ykkur gesti.    

Aðalfundi frestað

March 6th, 2013 | Posted by admin in Uncategorized - (0 Comments)

Fyrirhuguðum aðalfundi sem halda átti í kvöld 6. mars 2013 hefur verið frestað sökum veðurs.

Aðalfundurinn verður haldinn mánudaginn 18. mars kl. 19:30 að Hallveigarstöðum.

Stjórnin